Ilang taon matapos magbakbakan sa UAAP, pangungunahan naman ng mga coach na sina Leo Austria at Nash Racela ang salpukan ng kanilang mga koponan sa PBA Finals.
Bagamat beterano na sa championship duels si Austria inihahanda niya pa rin nang husto ang San Miguel Beermen.
Aniya, sa tuwing lolobo ang lamang ng koponan ay nagkakaroon ng tendency na magrelax ang kanyang mga manlalaro na kanila namang iiwasan ngayong finals.
Samantala, bilib ang beteranong coach kay Racela matapos ang mahirap na pinagdaanan ng Tnt Katropa para makamit ang placement sa finals.
Hindi umano hahayaan ni Racela na masayang ang bawat oportunidad upang mapasakamay ng Talk N Text ang championship title.
Ang Game 1 ay magaganap ngayong Miyerkules sa Araneta Coliseum.