Mga kumpanya ng langis may rollback bukas

Matapos ang tatlong linggong magkakasunod na pagtataas ay magpapatupad ng oil price rollback ang mga kumpanya ng langis bukas, Hunyo 6.

Magbabawas ang mga oil companies ng P0.55 sentimo kada litro sa gasolina at P0.90 sentimo sa diesel at kerosene o gaas.

Kabilang sa nag-anunsyo ng tapyas presyo ang Flying V na magpapatupad ng rollback umpisa mamayang 12:01 ng hating gabi.

Ang Shell, Seaoil, Petron, Chevron, PTT, Phoenix, Clean Fuel  at iba pang kumpanya ng langis ay magtatapyas naman ng presyo simula 6:00 bukas ng umaga.

Dahilan ng rollback ang paggalaw ng presyo ng produktong petrolyo sa international market.