Mga opisyal ng gobyerno, hindi ‘exempted’ sa traffic violations ayon sa MMDA

Hindi exempted ang mga opsiyal ng gobyerno sa pagpapatupad ng batas trapiko ayon sa Metropolitan Manila Development Authority (MMDA).

Ayon kay MMDA Chairman Danilo Lim, hindi nila kukunsitihin ang kahit anumang violation kahit pa ito ay minor lang at isang opisyal ng gobyerno ang nakagawa nito.

Ayon kay Lim, kanilang poprotektahan ang kaligtasan ng kanilang mga tauhan na ginagawa lang ang kanilang tungkulin.

Ang pahayag ni Lim ay kasunod ng pagpapatigil ng limang MMDA traffic constables sa isang government vehicle dahil sa overspeeding sa Macapagal Blvd. sa Parañaque City na nauwi sa pagtatalo.

Dadag pa ni Lim na hindi nila palalampasin ang naturang insidente.