Mga security protocols ng mga hotel, dapat muling suriin

Dapat muling suriin ang mga security protocols ng mga hotel sa Metro Manila kasunod ng naging pag-atake sa Resorts World Manila.

Ayon kay NCRPO Chief Oscar Albayalde, na nagkaroon ng security lapse sa naturang lugar dahil nakapasok ito na maya dalang mataas na kalibre ng baril.

Sa CCTV footage ng insidente ay makikitang nilagpasan ng suspek ang metal detector na nasa inspection area at naglakad patungong casino area.

Dagdag pa ni Albayalde na agad na nakaresponde ang mga pulis kaugnay ng insidente.

Aniya matapos na matanggap ang tawag ukol dito ay wala pang sampung minuto ng makaresponde ang mga ito.