Lokal na pamahalaan ng Pasay City, nanawagan sa publiko na maging kalmado

Nanawagan sa publiko ang lokal na pamahalaan ng Pasay City na manatiling kalmado at alerto kasunod ng naganap na insidente sa Resorts World Manila.

Ayon kay Mayor Antonio ‘Tony’ Calixto, makikipag-tulungan sila sa Philippine National Police, Bureau of Fire Protection at mga otoridad kaugnay ng naturang trahedya.

Hinimok rin ni Calixto ang publiko na dumulog sa mga otoridad kung may impormasyon na makatutulong sa imbestigasyon.

Nag-alay naman ng dasal at pakikiramay ang Pasay City para sa pamilya ng mga nasawi sa malagim na trahedya.

Tiniyak ni Mayor Calixto na ginagawa nila ang lahat upang matiyak ang kapayapaan at kaayusan sa lungsod.