Asawa ni Rep. Aurelio “Dong” Gonzales, kasama sa mga namatay sa Resorts World Manila

Kinumpirma ngayon ni House Majority Rodolfo Farinas na kasama sa nasawi sa RWM ang may-bahay ni Rep. Aurelio “Dong” Gonzales ng 3rd District ng Pampanga.

Ayon kay Farinas, iniulat sa kanya ni PNP Chief Bato Dela Rosa na nasawi si Elizabeth Panlilio Gonzales.

Nawawala pa rin naman ang kapatid nito na si Consolacion P. Mijares.

Nabatid na pabalik na ng Metro Manila ang mambabatas mula sa isang official trip sa La Union.

Sa ulat ng RWM dinala na sa Veronica Funeral Homes ang labi ni Gonzales.