Aabot na sa mahigit 50 kaanak ng mga nasawi sa Resorts World Tragedy ang dumating sa Veronica Memorial Chapel sa Pasay City.
Sunod-sunod na dumating ang mga kaanak, sakay ng mga shuttle service ng hotel-casino.
Emosyonal ang mga kaanak na ilang oras nang naghihintay na makita ang kanilang nasawing mahal sa buhay.
Pinaghihintay sa isang holding room sa lobby ng punerarya ang mga kaanak ng mga nasawi.
Karamihan sa mga dumating ay mga Pinoy, na posibleng kamag-anak ng mga nasawing empleyado, habang ilan naman ay Koreano at Chinese, at ilan ay mga Caucasian-looking.
Nagbibigay rin umano ng libreng shuttle service ang Resorts World sa mga pamilya na nais pumunta dito sa Veronica upang makita kung narito ang labi ng kanilang kaanak.