Liza Soberano sabak agad sa physical training para sa ‘Darna’

 

Sabak agad sa gym ang aktres na si Liza Soberano matapos ang opisyal na anunsyo na siya na ang gaganap na susunod na ‘Darna’sa isang bagong pelikula.

Sa Instagram post ng kanyang fitness instructor na si Bok Santos, makikita ang matinding pag-eensayo at paghahanda ng aktres para sa kanyang susunod na role bilang isang Pinay superhero.

Ayon kay Liza, nais niyang maging ‘physically strong’ para sa naturang proyekto.

Hiling pa nito, kung maari ay siya mismo ang gumawa ng kanyang sariling stunts.

Bukod sa physical training, dadaan din ang aktres sa dialogue workshops bilang paghahanda sa kanyang ‘Darna’ character.