Ito ang panawagan ni Sen. Bam Aquino kasabay ng pagsuporta sa kampanya ng militar na sugpuin ang teroristang grupo at ibalik sa normal ang siyudad.
Giit ni Sen. Aquino, ang pinakamahalaga ngayon ay matigil na ang bakbakan, masugpo ang teroristang grupo at maprotektahan ang mga kababayan naiipit sa gulo sa Marawi.
Samantala, tikom naman ang bibig ng senador sa naglalabasang alegasyon sa social media kung saan ikinukunekta ang pagdalaw nito sa Marawi sa pag-atake ng Maute.
Noong nakaraang linggo, nagtungo si Sen. Bam sa Marawi City para buksan ang ika-508 Negosyo Center sa bansa na kauna-unahan sa Autonomous Region in Muslim Mindanao (ARMM).