16 na sibilyan na-rescue ng AFP sa Marawi

Labing anim na sibiliyan ang na-rescue ng Armed Forces of the Philippines sa Brgy. Kilala, Marawi City.

Ayon kay Armed Forces of the Philippines Spokesman Brigadier General Restituto Padilla, naipit ang labing anim na sibilyan sa bakbakan sa pagitan ng miliar, pulis at Maute group sa Marawi.

Ayon kay Padilla, nabigyan na ng safety passage ang labing anim na sibilyan at nailabas na sa Barangay Kilala.

Kung wala aniyang matutuluyan ang labing anim na sibilyan, maari silang dalhin sa itinayong evacuation center ng pamahalaan.

Sa ngayon ayon kay Padilla, tuloy pa ang bakbakan sa Marawi.