US, kinondena ang kaguluhan sa Marawi

Kinondena ng Estados Unidos ang ginagawang panggugulo ng teroristang grupong Maute Group sa Marawi City.

Sa pahayag ng White House, nangako ito na patuloy silang magbibigay ng suporta at tulong sa Pilipinas para labanan ang terorismo.

Dagdag pa dito, ang U-S ay isang “proud ally” ng Pilipinas, at patuloy silang makikipagtulungan para masupil ang banta sa kapayapaan at seguridad sa bansa.

Una nang naglabas ang U-S ng paalala ng pag-iingat sa kanilang mga mamamayan na nandito sa bansa tungkol sa sitwasyon sa Marawi.

Inalerto nito ang kanilang mga kababayan sa Pilipinas na mag-ingat at umiwas sa matataong lugar.