Nakatakdang manumpa ang mga bagong abogado na nakapasa sa 2016 Bar Examination bukas, araw ng Lunes.
Ayon sa Public Information ng Korte Suprema, gaganapin ang oathtaking ceremony kasabay ng special En Banc session sa SM Mall of Asia Arena.
Pinaalalahanan naman ng SC PIO ang mga bar exam passers na kunin ang clearance sa Office of the Bar Confidant hanggang alas tres ngayong hapon.
Binalaan rin ang mg ito sa posibilidad na pagsikip ng trapiko patungong SM Mall of Asia dahil sa dami ng dadalo sa naturang seremonya.
Inaasahan namang magsisimula ang sesyon bandang alas tres ng hapon at hindi anila papapasukin ang mahuhuli dito.
Samantala, umabot sa 3,747 ang kabuuang bilang ng mga nakapasa sa 115th Bar Examinations.