Ito ay matapos aprubahan ng Energy Regulatory Commission (ERC) ang mas mataas na feed-in tariff allowance (FIT-All) rate.
Bunsod nito, magkakaroon ng dagdag na 18.3 centavos per kilowatt-hour sa FIT-All sa electricity bill ng mga konsyumer simula sa susunod na buwan.
Mas mataas ito ng 5.90 sentimo kumpara sa 12.4 cents na ipinataw simula noong January.
Paliwanag ng ahensiya, kailangan ang dagdag-FIT-All rate upang umabot ang pondong pambayad sa FIT-eligible generators.
Saklaw ng dagdag-singil ang hindi pa nababayarang P6.6 billion sa renewable energy developers ng FIT system upang makapagpuhunan ang power developers sa mga mas mahal na renewable sector sa loob ng 20 taon.
Kung hindi anila babaguhin ang FIT-All rate, maaari itong matagalan.