Shares ng LT group, bumagsak matapos pirmahan ni Duterte ang EO para sa smoking ban

Bumagsak ang shares ng isang cigarette group matapos pirmahan ni Pangulong Rodrigo Duterte ang executive order laban sa paninigarilyo.

Inaprubahan ng pangulo ang EO na nagbabawal sa paninigarilyo sa mga pampublikong lugar sa buong bansa.

Dahil dito, bumaba ng 3.17 percent ang shares ng LT group sa unang bahagi ng kalakalan ngayong Biyernes.

Ang naitala ng kumpanya na 15.86 pesos shares ay isa sa biggest losers sa merkado.

Ang LT group ay kontrolado ng business tycoon na si Lucio Tan.

Kabilang sa naturang conglomerate ang Philip Morris Fortune Tobacco Inc.