Cayetano inulan ng papuri sa pagsalang sa C.A plenary

Pinagtibay na ng Commission on Appontments (C.A) sa plenaryo ang nominasyon ng kumpirmasyon ni Senator Alan Peter Cayetano bilang bagong kalihim ng Department of Foriegn Affairs.

Si Sen. Ping Lacson, bilang chairman ng C.A Foreign Relations Committee ang nagsulong ng nominasyon ni Cayetano na sinegundahan naman nina San Juan Rep. Ronnie Zamora at Senators Ralph Recto, Juan Miguel Zubiri at JV Ejercito.

Sa kanilang sponsorship speech ay binigyang diin ang hindi matatawarang galing at karanasan ni Cayetano sa lehislatura at pagiging public servant gayundin ang pagiging makabayan nito at kakayahan na katawanin ang Pilipinas sa international community.

Samantala, maliban kay Cayetano ay kinumpirma din ng C.A ang appointment nina Ambassador Wilfredo Cunanan Santos sa Republic of Iran, Ambassador Bernardita Leonida Catalla sa Lebanon, Ambassador Adnan Villaluna Alonto sa Saudi Arabia gayundin ang dalawang foreign service officers na sina Jim Minglana at Robert Eric Borje.