Ito ang programang may titulong “Mula sa masa para sa masa”.
Base sa teaser na ipinalabas ng presidential communications office, magiging co-host ng pangulo sa programa ang batikang tv journalist na si Rocky Ignacio.
Gayunman, sinabi ni Presidential Communications Office Secretary Martin Andanar na wala pang eksaktong petsa kung kalian sasahimpapawid ang tv program ni Pangulong Duterte.
Ayon kay Andanar, layunin ng programa na maipabot sa masa ang mga polisiya ng administrasyong Duterte.
Mismong sa pangulo direktang maririnig at makikita ng taong bayan ang mga programa administrasyon.
Ang orihinal na konsepto ng nasabing programa ay mula sa dating TV at radio show ni Duterte noong siya’y alkalde pa lamang ng Davao City na may titulong “Gikan sa masa, para sa masa”.
Sa nasabing program ay kaagad niyang binibigyan ng sago tang mga tanong at problema ng kanyang mga nasasakupan.