Ayon kay House Minority Leader Danilo Suarez, susuportahan niya ang pagpapatalsik kay Morales dahil sa pinaiiril umano nitong ‘selective justice’ sa Ombudsman at pumapabore lamang sa interes ng nakalipas na Aquino administration.
Sinabi ni Suarez na hindi pa niya nababasa ang kabuuang Morales impeachment, subalit kinausap na raw siya ng Volunteers Against Crime and Corruption o VACC para ipa-endorso ang reklamo.
Kinumpirma rin ni Suarez na kahit si dating Pangulo At ngayo’y Pampanga Congw. Gloria Macapagal-Arroyo ay hindi suportado ang Morales impeachment.
Ayon daw kay CGMA, matagal na ang isyu ng pagpapakulong sa kanya ng Ombudsman kaya dapat kalimutan na lamang ito.
Pero tahasan itong sinalungat ni House Senior Deputy Minority Leader Lito Atienza, na nagsabing mahusay sa trabaho si Morales kaya walang rason para mapatalsik siya sa pwesto.