15-anyos na binatilyo patay sa sunog sa Tondo

Isa ang patay habang 30 kabahayan ang natupok sa sunog na sumiklab sa Isla Puting Bato sa Tondo, Maynila kaninang tanghali.

Kinilala ni Chief Inspector Marvin Carbonel, hepe ng operations division ng Manila Fire District ang halos hindi na makilalang bangkay ng biktima na si Froilan Dela Cruz, kinse anyos.

Dagdag ni Carbonel, ang sunog ay naka-apekto din sa mahigit na 70 pamilya at tinatayang nakapinsala ng mahigit P200,000 halaga ng mga ari-arian.

Ang sunog na sinasabing dulot ng nag-leak na tangke ng LPG ay nabatid na nagsimula sa bahay na pag-aari ng isang Annie Dela Cruz sa No. 54 purok 1 Bungad Isla Puting bato 11:08 ng umaga at umabot ng ikalimang alarma.