Panibagong SWS survey, patunay lang na si Duterte pa rin ang ‘most trusted national leader’ sa Pilipinas

Tiniyak ng Palasyo ng Malakanyang na patuloy pa ring isusulong ni Pangulong Rodrigo Duterte ang interes ng taong bayan.

Ito ay kahit na bumaba ang trust rating ng pangulo sa unang quarter ng Social Weather Stations survey mula sa mga mahihirap na Filipino.

Ayon kay Presidential spokesman Ernesto Abella, welcome sa Malakanyang ang panibagong survey ng SWS kung saan napanatili ni Pangulong Duterte ang 80 percent na trust rating.

Sinabi din ni Abella na patunay lamang ito na si Duterte ang ‘most trusted national leader’ sa Pilipinas sa kabila ng mga batikos na natatanggap dahil sa pinaigting na kampanya kontra ilegal na droga, korupsyon at kriminalidad.