Hindi nakaporma sa mga tauhan ng Philippine National Police (PNP) ang mga miyembro ng Kilusang Mayo Uno na nagtangkang makalapit sa US Embassy.
Kaagad hinarang ng mga pulis ang mga raliyista sa T.M Kalaw makalagpas ng National Library.
Ayon kay Roger Suleta, vice chairperson ng KMU na ang kanilang pagkilos ay upang pahintuin ang pakikialam ng U.S sa panloob na usapin ng Pilipinas.
Sinabi ni Suleta na dinidiktahan ng US ang Pilipinas sa patakaran nito pati na sa mga manggagawa.
Matapos ang kalahating oras na programa nilisan din ng nasa 800 na raliyista ang lugar at nagmartsa patungo sa Liwasang Bonifacio.
MOST READ
LATEST STORIES