No sail zone, ipinatupad ng Philippine Coast Guard sa Manila Bay

Simula ngayong araw ay ipinatutupad na ang pagbabawal sa paglalayag sa bahagi ng Manila Bay malapit sa pinagdarausan ng ASEAN Summit.

Ayon kay Coast Guard Spokesperson Commander Armand Balilo, iiral ang ‘no sail zone’ simula ngayon hanggang sa araw ng Sabado, April 29.

Sakop ng pagbabawal sa paglalayag ang paligid ng US Embassy, hanggang Manila Yatch Club, pati na ang bahagi ng break water area mula sa CCP-PICC Complex hanggang sa bahagi ng SM Mall of Asia.

Samantala, sinabi ni Balilo na nakahanda ang kanilang mga karagdagang pwersa tulad ng quick reaction team at anti-terrorism group sakaling kailanganin ng pagkakataon.