Nagtipon-tipon ang tinatayang 700 myembro ng Kilusang Magbubukid ng Pilipinas (KMP) sa bahagi ng Hacienda Luisita na sakop ng Barangay Balete sa Tarlac para okupahan at sakahan ang 900 ektaryang lupain nito.
Ayon sa kapitan ng barangay na si Edison Diaz, nauna nang nagpalipas ng gabi sa lugar ang 400 magsasaka.
Inanunsyo ng KMP ang hakbang nito sa parehong panahon kung kailan inilabas ng Korte Suprema ang desisyon nito noong 2012 kung saan ipinag-utos ng Department of Agrarian Reform (DAR) ang pamamahagi ng 4,500 ektarya nito sa 6,200 na magsasaka, partikular na sa mga manggagawa ng tubohan ng pamilya Cojuangco.
Tumugon naman ang DAR sa naturang desisyon.
Sa ngayon, target ng KMP na okupahan ang bahagi na kontrolado ng Rizal Commercial Banking Corporation. Nagtalaga ng mga gwardya ang RCBC sa mga ari-ariang ibinenta ng pamilya Cojuangco.