P30k na halaga ng shabu, nakumpiska ng PCG sa Romblon

Nasabat ng mga tauhan ng Philippine Coast Guard (PCG) sa Romblon ang aabot sa P30,000 na halaga ng iligal na droga sa Sitio Torrel, Brgy. Dapawan sa Odiongan, Romblon.

Isinagawa ng Coast Guard Station (CGS) Romblon ang operasyon katuwang ang Philippine Drug Enforcement Agency (PDEA) noong April 9.

Nasukol ang mga suspek na sina Joseph Forio Ignacio, Jones Faigao, Benriv Fronda at Al Fernandez.

Maliban sa mismong iligal na droga, nakumpiska rin mula sa kanila ang mga drug paraphernalia.

Bago dalhin ang mga suspek sa Municipal Police Station sa Odiongan, dinala muna sila sa Romblon Provincial Hospital upang isailalim sa physical examination.

Sinampahan na ng kasong paglabag sa RA 9165 at RA1059 ang mga suspek.