Mga employer na hindi nagre-remit ng kontribusyon, ipapakulong ng SSS

Ipapakulong na ang mga pasaway na employer na hindi magreremit ng kontribusyon ng kanilang mga empleyado sa Social Security System (SSS).

Ang mga employer na lumalabag sa nasabing batas ay posibleng makulong nang hanggang 15 taon.

Babala pa ni SSS Chairman Amado Valdez, kukumpiskahin nila ang mga ari-ariian ng mga delinquent employer at ang kikitain sa pasubasta dito ay ang magsisilbi nang bayad nito.

Matatandaang noong nakaraang Enero ay inaresto ng SSS ang cosmetic surgeon na si Dr. Joel Mendez dahil sa kabiguang magremit sa kontribusyon ng mga empleyado nito.