Sa Cabinet meeting na ginanap Lunes ng gabi, tinanong ni Pangulong Duterte si Sueno tungkol sa legal opinion na inilabas mismo ng opisina ng kalihim.
Gayunman, sinagot aniya siya ni Sueno na hindi pa niya alam ang tungkol dito at na hindi niya pa ito nababasa.
Dito na tila nagpanting ang tenga ng pangulo, dahil ayon kay Duterte, para siyang pinagmumukhang walang alam ng kalihim sa sagot nito.
Hindi aniya niya nagustuhan ang sagot sa kaniya ni Sueno, at naniniwala siyang pawang kasinungalingan lang ang mga ito.
Dahil dito, agad na lang niyang sinabi kay Sueno na “you are fired.”
Samantala, tinanggap naman na ni Sueno ang pagsibak sa kaniya ni Duterte sa pwesto, ngunit nanindigan siyang wala siyang kinasasangkutang anomalya.