Nangako si US President Donald Trump na buong suporta ang ibibigay ng gobyerno ng Amerika sa pagtugon ng Russia sa naganap na pag-atake sa St. Petersburg Metro.
Ito ang naging resulta ng pag-uusap nina Trump at Russian President Vladimir Putin.
Ayon sa White House, nagkaroon ng pagkakataon na makapag-usap ang dalawang lider sa pamamagitan ng telepono.
Napagkasunduan aniya nina Trump at Putin na agaran nang sugpuin ang terorismo sa dalawang bansa.
Kasabay nito, nagpaabot ng pakikiramay si Trump sa pamilya ng mga biktima at mariing kinondena ang naturang pag-atake na itinuturing ng Russia na isang “act of terror”.
Umabot sa labing isa ang nasawi sa insidente habang marami naman ang nasugatan.
Sinimulan na rin ng Russia ang imbestigasyon ukol sa pag-atake, na hanggang ngayon ay wala pang umaako sa responsibilidad.