Ipinaalala ni Sen. Ping Lacson sa Armed Forces of the Philippines at Philippine National Police (PNP) na mandato nila na protektahan si dating Pangulong Noynoy Aquino at ang iba pang nasa arrest order ng National Democratic Front.
Paalala ni Lacson, tanging ang korte lang ang may kapangyarihan na magpataw ng parusa sa sinuman ang lumalabag sa batas.
Giit pa ng mambabatas na dapat habulin ang mga rebeldeng komunista kapag sinunod nila ang utos ng NDF.
Nauna nang inihayag ng NDF na kailangan papanagutin si Aquino maging sina North Cotabato Gov. Emmylou Talino-Mendoza, Kidapawan City Mayor Joseph Evangelista, North Cotabato Rep. Nancy Catamco at mga pulis at opisyal na sangkot sa magulong pagbuwag ng mga nag-protestang magsasaka sa Kidapawan City may isang taon na ang nakakaraan.