Nanindigan ang Malakanyang na walang karapatan na makialam ang International Criminal Court sa usaping panloob ng isang sovereign country gaya ng Pilipinas.
Pahayag ito ng palasyo kaugnay ng umano’y pagmonitor ng ICC sa mga pagpatay sa bansa na may kinalaman sa war on drugs ng Administrasyong Duterte.
Ayon kay Presidential Spokesman Ernesto Abella, walang kongkretong patunay sa alegasyon na crimes against humanity o walang habas ang drug-related killings.
Binanggit ni Abella na inabswelto na ng senado si Pangulong Rodrigo Duterte sa umano’y extra judicial killings.
Ilang beses nang iginiit ng pangulo na tuloy ang kampanya kontra droga at pursigido siyang alagaan ang bansa kahit pa anya sa iligal na paraan.
MOST READ
LATEST STORIES