1 patay, 15 sugatan sa pamamaril sa Ohio nightclub

 

Patay ang isang indibidwal, habang hindi bababa sa labing lima ang sugatan sa pamamaril sa isang nightclub sa Cincinnati, Ohio, madaling araw ng Linggo.

Batay sa ulat, maraming tao sa Cameo nightclub nang maganap ang pamamaril.

Dahil dito, nag-panic ang mga tao at tumakas upang maisalba ang buhay.

Wala pang umaako sa krimen, subalit kinukunsidera ang aftermath bilang “large and complicated homicide scene.”

Kinunan na rin ng statements ang mga saksi sa pamamaril, upang makakalap ng karagdagang impormasyon.