Bigtime na supplier ng shabu napatay sa Cavite

Patay ang isang hinihinalang bigtime na drug dealer matapos manlaban sa isang buy-bust operation sa Rosario, Cavite.

Kinilala ang suspek na si Richard Landa alyas Tondo.

Ayon sa Calabarzon Police regional Office, nagsagawa ng operasyon ang mga pulis sa harap ng Bagbag National High School kaninang umaga.

Nagbenta ng shabu sa isang undercover agent na nagkakahalaga ng P300,000 si Landa.

Nang matunugan nito ang operasyon ay nagtangka itong barilin ang mga otoridad kaya nauwi ito sa shootout na ikinamatay ng naturang drug personality.

Nagsasagwa ngayon ng operasyon ang mga pulis para maaresto ang mga posibleng kasamahan ng napatay na si Landa.