Duterte hindi natinag sa pagdami ng Abu Sayyaf members

Hindi nababahala si Pangulong Rodrigo Duterte sa pag- doble ng bilang ng mga bihag ng Abu Sayyaf Group (ASG).

Ayon sa pangulo, naiintindihan niya ang biglang paglobo ng bilang dahil sa may nagaganap na rebelyon sa dulong bahagi ng bansa.

Una dito ay inamin ni Defense Secretary Delfin Lorenza na nahihiya at hindi siya makatulog dahil sa patuloy na pamamayagpag ng ASG.

Nabatid na bago naupo sa puwesto si Duterte noong Hunyo 30 ay nasa labing-walo lamang ang bihag ng bandidong grupo.

Pero sa ngayon na doble na ito at nasa tatlumpu’t isa na.

Nauna nang sinabi ni Pangulong Rodrigo Duterte na gagamit ang pamahalaan ang mga satellite guided missile sa pagdurog sa kampo ng Abu Sayyaf Group.