2 opisyal ng UN, dinukot sa central Congo

Kinumpirma ng pamahalaan ng Congo ang pagdukot ng mga hindi pa nakikilalang kidnappers sa dalawang opisyal ng United Nations sa Kasai Central province.

Ayon sa pahayag na inilabas ng Congolese government, nakilala ang mga dumukot na si Michael Sharp, US citizen, at Zaida Catalan na isang Swedish.

Dinukot rin ng mga nasabing suspek ang apat pang Congolese na kasama nina Sharp at Catalan sa may Ngombe village.

Tumanggi naman munang magsalita ang isang tagapagsalita ng UN tungkol sa insidente, habang tiniyak naman ng Congolese Information Minister Lambert Mende na ginagawa na nila ang lahat upang mapalaya ang mga bihag.