Public school teacher, dinukot ng ASG sa Sulu

Isang guro ang panibagong biktima ng pandurukot ng Abu Sayyaf Group sa lalawigan ng sulu.

Ayon sa source ng Radyo Inquirer, nakilala ang biktima na si Ibrahim Putong, 35 anyos at guro sa Jolo National High School.

Nabatid na sakay ng motorsiklo ang biktima galing sa paaralang pinagtuturuan ng harangan ng mga miyembro ng Abu Sayyaf sa bahagi ng Maimbung.

Matapos ito, kaagad tumakas ang mga suspek tangay ang nasabing biktima.

Sa ngayon mayroong 27 na bihag ang Abu Sayyaf Group kung saan 13 dito Vietnamese, walong Pinoy, isang Dutch national, isang Japanese, dalawang Indonesian at dalawang Malaysian.