Heavy Rainfall warning, itinaas ng PAGASA sa maraming lalawigan sa Mindanao

(2nd UPDATE) Dahil sa pag-ulan na dulot ng tail-end ng cold front, itinaas na ng PAGASA ang heavy rainfall warning sa maraming lalawigan sa Mindanao.

Umiiral ngayon ang orange warning level sa Misamis Occidental, Surigao del Sur, Zamboanga del Norte, Zamboanga del Sur, North Cotabato, at Davao del Sur.

Babala ng PAGASA sa mga residente, maaring makaranas ng flashfloods sa mabababang lugar habang landslides naman sa mga bulubunduking lugar.

Samantala, yellow warning level naman ang umiiral sa Zamboanga City, Zamboanga Sibugay, Zamboanga del Sur, Zamboanga del Norte, Misamis Oriental, Bukidnon, Camiguin, Lanao del Norte, Agusan del Sur, Agusan del Norte, Surigao del Norte, Dinagat Islands, Siargao Islands, Davao Oriental, Sarangani, Sultan Kudarat, Maguindanao, Cotabato City, South Cotabato, Lanao del Sur at Basilan.

Pinapayuhan ng PAGASA ang mga residente na mag-antabay sa kanilang susunod na rainfall advisory.