LRT-2 at MRT-3 may libreng pasakay sa mga babae ngayong araw para sa Int’l Women’s Day

Magbibigay ng libreng pasakay ang Light Rail Transit Line 2 (LRT-2) at Metro Rail Transit (MRT) para sa mga kababaihan ngayong araw ng Miyerkules, March 8, bilang pagdiriwang sa International Women’s Day.

Ayon kay LRT-2 spokesperson Hernando Cabrera, magsisimula ang libreng pasakay sa mga kababaihan mula alas-7:00 hanggang alas-9:00 ng umaga, at alas-5:00 hanggang alas-7:00 ng gabi.

Bukas ang nasabing libreng sakay sa lahat ng istasyon ng LRT-2, mula sa Recto Avenue station hanggang Santolan station.

Parehong oras din ang libreng sakay sa MRT-3.