Rollback sa mga produktong petrolyo, ipatutupad ngayong araw

By: Kabie Aenlle - 8 years ago

A gasoline attendant works at a gasoline station in Quezon City, suburban Manila on August 2, 2011. The Philippines plans to auction off areas of the South China Sea for oil exploration, despite worsening territorial disputes with China over the area, an official said August 2. AFP PHOTO/ JAY DIRECTO — AFP PHOTO/ JAY DIRECTO

Matapos ang sunud-sunod na pagta-taas ng presyo ng mga produktong petrolyo, nag-anunsyo naman ng rollback ang mga kumpanya ng langis para sa araw na ito.

Magpapatupad ng 55 centavos na rollback sa presyo ng kada litro ng kanilang gasolina ang mga kumpanyang Jetti, Total, Unioil, Eastern, PTT, SeaOil, Petron, at Shell mula alas-6:00 ng umaga.

Ibababa naman ng mga naturang kumpanya ng 10 centavos ang presyo ng kada litro ng diesel epektibo sa parehong oras ngayong araw.

May rollback rin ang SeaOil, Petron at Shell na 20 centavos sa kada litro ng kanilang kerosene.

Gayundin ang mga pagbaba ng presyo ng mga produkto ng Flying V na nauna nang magpatupad mula pa kaninang 12:01 ng hatinggabi.