Sa abiso ng Meralco, mula alas 10 ng umaga hanggang ala 1:00 ng hapon, mawawalan ng kuryente ang bahagi ng bayan ng Rosario sa Cavite sa araw ng Martes.
Apektado ng power interruption ang kahabaaan ng A. Abadilla Street mula sa C. Abueg Street patungo sa Barangay Sapa III.
Ayon sa Meralco, magsasagawa sila ng line reconductoring work sa A. Abadilla Street.
Samantala, bukas din, March 7, mawawalan ng kuryente sa pagitan ng alas 10:00 ng gabi hanggang alas 3:00 ng madaling araw ng Miyerkules, March 8 sa ilang bahagi ng Bacoor.
Apektado ng power interruption ang bahagi ng Molino Blvd. mula sa Main Square Mall hanggang sa New J07 Hardwares sa Barangay Mambog IV.
Ayon sa Meralco, maglilipat sila ng kanilang primary facilities sa kahabaan ng Molino Blvd.
Bukas din ay magkakaroon ng limang oras na power interruption sa ilang bahagi ng Muntinlupa City.
Mula alas 8:00 ng umaga hanggang alas 1:00 ng hapon, mawawalan ng kuryente sa bahagi ng Makabuhay Street sa New Bilibid Prisons na sakop ng Barangay Poblacion, at sa Sampaguita Street sa Camp Sampaguita ng nasabi ring barangay.
Ayon sa Meralco, mayroon silang line reconductoring work sa Makabuhay Street.
Sa pagitan naman ng alas 9:00 ng umaga hanggang alas 2:00 ng hapon, apektado ng pagkawala ng kuryente sa Excel Tower, Asian Star Bldg., Polaris Aeon Prime Bldg., Vivere Suites, Somerset Alabang Manila at Insular Life Bldg. sa Spectrum Business District sa Barangay Alabang.
Magsasagawa naman ng pagpapalit ng switchgear ang MEralco sa bahagi ng Spectrum Busines District.
Excerpt: