Ganito ilarawan ni Atty. Harry Roque ng Centerlaw ang utos na pagpapa-imbestiga ni Justice Secretary Leila de Lima sa umano’y problema ng Iglesia ni Cristo (INC).
Ginawa ni Roque ang pahayag makaraang sabihin ng Palasyo, partikular ni Secretary Sonny Coloma na suportado ng Malacañang ang imbestigasyon ng DOJ sa isyu.
Pero tanong ni Roque, ano ang karapatan ng DOJ na mag-imbestiga gayong wala namang complainant?
Sa ilalim aniya ng batas at umiiral na international treaties, tanging ang krimen lamang ng ‘torture’ ang pinapayagan na maimbestigahan kahit walang complainant, pero hindi umano ito ginagawa sa kaso ng posibleng ‘abduction’ o pagdukot.
Dahil dito, naniniwala si Roque na isang pormal ng pamba-blackmail sa pulitika ang ginagawang imbestigasyon dahil inaasahang isa si De Lima sa mga maghahayag ng kandidatura sa pagka-senador.
Hindi umano katanggap-tanggap ang ganitong uri ng panggigipit dahil nalalabag na ang freedom of religion na ginagarantiyahan ng Konstitusyon./ Ricky Brozas