Kinatawan ng Russia sa UN, pumanaw na

Biglaang pumanaw ang Russian ambassador to the United Nations na si Vitaly Ivanovich Churkin sa New York kahapon.

Pumanaw si Churkin sa edad na 64, isang araw bago ang kaniyang ika-65 na kaarawan.

Nakaranas si Churkin ng cardiac arrest habang siya ay nasa Russian Mission sa East 65th Street, at dinala sa Presbyterian Hospital sa New York kung saan siya pumanaw.

Inilarawan ng Russian Foreign Ministry si Churkin bilang isang “outstanding Russian diplomat” na pumanaw habang ginagawa ang kaniyang tungkulin.

Ipinahatid naman ng ministry ang kanilang pakikiramay sa mga kaanak ng ni Churkin.