Sinabon ang mahigit 700 pulis nang sila ay ipatawag sa headquarters ng Manila Police District (MPD).
Ang mga ipinatawag na pulis ay pawang may mga kinakaharap na kasong kriminal at administratibo.
Napuno ang multi-purpose hall ng MPD at pinagalitan ni Police Sr. Supt. Bartolome Bustamante, hepe ng District Directorial Staff ang mga ipinatawag na pulis.
Ipinaalala ni Bustamante ang criminal at administrative code ng PNP.
Samantala, umaalma naman ang iba sa mga ipinatawag na pulis dahil hindi naman umano sila mga “police scalawag”.
Ang ilan umano sa kanila ay may kinakaharap na kaso, pero bunga ito ng pagtupad sa kanilang tungkulin.
Ang naturang inisyatibo ng Manila Police District ay bahagi na rin ng kampanya ng pamunuan ng PNP kontra mga scalawag na pulis.
WATCH: Mga pulis Maynila na may kaso, ipinatawag sa MPD Headquarters | @CyrilleCupino pic.twitter.com/EVaxR9MS3y
— RadyoInquirer990AM (@dzIQ990) February 10, 2017