Naibigay na ng Department of Agriculture ang P72 milyong halaga ng mga gamit pananim at gamot para sa mga hayop sa mga magsasakang naapektuhan ng bagyong “Nina” sa Bicol.
Tinatayang nasa P5 bilyong pisong halaga ng mga pananim at livestock kasi ang nasira ng naturang bagyo sa Bicol at Timog Katagalugan.
Ayon kay DA Bicol Regional Director Elena Delos Santos, hinugot ang inisyal na rehabilitation assistance mula sa calamity fund ng regional DA na inilabas ng Department of Budget and Management noong nakaraang linggo.
Idadaan aniya ang ayudang ito sa local na pamahalaan ng Albay, Camarines Sur at Catanduanes, na pawang mga labis na nasalanta ng bagyo.
MOST READ
LATEST STORIES