Ayon kay Captain Rhyan Batchar, tagapagsalita ng 10th Infantry Division ng Philippine Army, ang dalawang sundalong binihag ay mula sa 39th Infantry Battalion.
Dinukot umano sila ng mga pinaghihinalaang NPA sa Barangay Dela Paz Huwebes (February 2) ng umaga.
Ayon naman kay Supt. Romeo Galgo Jr, ng Central Mindanao police, ang mga sundalong biktima ay sina Sgt. Solaiman Calocop at Pfc. Samuel Garay.
Sakay umano ng motorsiklo ang dalawang sundalo nang sila ay harangin ng hindi pa matukoy na bilang ng mga rebelde.
Naganap ang insidente, isang araw matapos na ianunsyo ng NPA na ititigil na nila ang ipinatutupad na unilateral ceasefire sa pamahalaan epektibo sa February 10.