Namimilipit pa sa sakit ng maabutan ng rescue team ang motorcycle rider na si Ryan Bulalakaw sa kanto ng Quirino Hi-way at Rockville Ave., Novaliches Quezon City.
Ito ay matapos salpukin ni Bulalakaw habang sakay ng minamanehong dilaw na motorsiklo ang papalikong UV Express na may plakang UVG- 624 na minamaneho naman ni Arcadio Alarin.
Sa sobrang sakit, hindi maigalaw ni Bulalakaw ang katawan habang nayupi naman ang kanang bahagi ng UV Express van at basag din ang salamin nito.
Sa kwento ng driver ng uv express na si Alarin, papaliko na sana siya ng ng Rockville Subdivision upang gumarahe nang biglang sumalpok bigla sa passenger door ang motorsiklo.
Kaagad naman nilapatan ng paunang lunas ang motorcycle rider bago dinala sa QC General Hospital.