Libu-libong residente sa Butuan, inilikas dahil sa pagbabaha

 

Hindi bababa sa 3,600 na mga pamilya o mahigit 14,000 na indibidwal ang kinailangang ilikas mula pa noong Sabado hanggang kahapon dahil sa pagbabaha na idinulot ng malalakas na ulan na bumuhos sa Butuan City.

Wala namang bagyo, ngunit nagdulot ng malalakas na ulan ang low pressure area at ang tail-end of a cold front sa lungsod na ito.

Dahil dito, sa mga pampublikong paaralan at mga covered courts pansamantalang nagpalipas ng gabi at namalagi ang libu-libong mga residenteng naapektuhan ng baha.

Nawalan rin ng kuryente at supply ng tubig sa ilang bahagi ng lungsod dahil sa pag-uulan.