3 drug suspects arestado sa Bohol sa buy-bust operation ng NBI

Arestado ang tatlong suspek sa iligal na droga sa magkakahiwalay na buy-bust operation ng National Bureau of Investigation sa Tagbilaran City sa Bohol.

Kinilala ang dalawa sa mga ito bilang sina Quirico Castillon na isang driver ng tourist van, at kanyang runner na si Noel Paredes.

Naaresto sina Castillon at Paredes dakong alas-8:00 kagabi malapit sa Simbahan ng Dampas.

Nasabat ng mga otoridad ang dalawang sachet ng shabu at 1,000 pisong marked money.

Samantala, sa isang mall naman naaresto ang tricycle driver na si Emeterio Bautista.

Nasabat naman mula kay Bautista ang dalawang pakete ng hinihinalang shabu at marked money.