Kinilala ang mga biktima na si Linis Muncal, 70 taong gulang na isang retired employee at ang kanyang asawana si Cecilia Fello Muncal, 68 taong gulang na isa namang retired teacher.
Ayon kay Cavite Police Provincial Office (PPO) Acting Director Senior Superintendent Arthur Velasco Bisnar, na meron ng “persons of interest” ang mga imbestigador sa kaso.
Kaugnay nito, hindi pa idinetalye ni Bisnar ang pagkakalilanlan ng mga ito dahil sa patuloy na isinasagawang imbestigasyon sa motibo sa mga biktima.
Sinabi naman ni Police Officer 2 Teddy C. Labampa, ang imbestigador ng naturang kaso na sinaksak sa leeg ang mga biktima at natagpuang magkahiwalay sa kanilang bahay ng bandang 6:30 pm noong Huwebes ng kanilang kamag-anak na nakatira lang malapit sa bahay ng mga biktima.
Dagdag pa ni Labampa na kanilang tinitingnan ang motibo sa pamamaslang ay ang pagnanakaw kung kaya kanilang inaalam kung ano maaring ninakaw sa bahay ng mga biktima.