Pinalaya na ng mga miyembro ng Abu Sayyaf Group ang isang South Korean National at isang Pinoy sa Indanan, Sulu.
Ayon sa inisyal na impormasyon ng Radyo Inquirer, ibinigay ng mga tauhan ng ASG sa Moro National Liberation Front ang biktimang si Park Jul Hong at Glenn Alindajao.
Nabatid na pinalaya ang mga biktima matapos makapagbayad ng P25M.
Personal na sinundo ni Presidential Peace Adviser Jesus Dureza ang mga pinalaya sa Jolo, Sulu at dinala sa Davao City.
Ang dalawa ay dinukot noong buwan ng Oktubre ng nakalipas na taon matapos atakihin ng nga miyembro ng ASG ang MV Dong Bang Giang kung saan ang dayuhan ang kapitan habang naglalayag sa karagatan ng Bongao, Tawi-Tawi.
MOST READ
LATEST STORIES