Sunud-sunod na pagsabog, naganap sa Damascus Syria

Naganap ang serye ng pagpapasabog sa isang military airport sa Damascus, Syria.

Sa ulat ng Agence France-Presse (AFP), ang magkakasunod na pagsabog ay sinundan ng malaking sunog sa Mazzeh military airport.

Iniulat din ng state news agency sa Syria na dagsa na ang mga ambulansya sa paliparan para rumesponde.

Bagaman tiyak na sinadya ang pag-atake, hindi pa matukoy kung anong grupo ang nasa likod nito.