Sinabi ni Sen. Kiko Pangilinan na ang pag-ayaw ng tatlo sa bawat apat na Filipino sa Batas Militar ay pagpapakita lang na buhay ang kalayaan sa bansa.
Ayon pa kay Pangilinan, noon pa man pinatunayan na ng ating mga ninuno na ilalaban nila ng patayan ang kanilang kalayaan.
Dagdag nito, hindi naman madali ang demokrasya pero ito ang paraan para mabuhay ang kalayaan.
Giit nito, minsan nang naranasan sa bansa ang mawalan ng kalayaan tatlong dekada na ang nakakalipas at tiwala ito na lalabanan ng ating mga kababayan ang anumang pagtatangka na muling ipatupad ang batas militar sa bansa.
Base sa Pulse Asia survey noong Disyembre, 74-percent ng ating mga kababayan ang nagsabi na hindi na kailangan pa ng martial law para solusyonan ang mga problema ng bansa.