Aminado ang Philippine National Police (PNP) na maaring samantalahin ng mga teroristang grupo ang pagkakataon sa nalalapit na Miss Universe pageantr upang ipakita ang kanilang lakas sa buong mundo.
Sa isinagawang press briefing sa Camp Crame, sinabi ni S/Supt. Emmanuel Licup ng PNP Security Task Force ng Miss Universe pageant na may posibilidad na gumawa ng hindi maganda ang mga teroristang grupo dahil nakatutok ang buong mundo sa Pilipinas sa nasabing event.
Pero pagtitiyak ni Licup, walang derektang banta ang Pilipinas laban sa mga teroristang grupo.
Maliban dito, sisiguruhin ng PNP na hindi makakaporma ang mga masasamang loob at walang mangyayaring masama sa Miss Universe candidates na ikakasira ng imahe ng bansa.
Ito na rin aniya ang pagkakataon ayon kay Licup na mapatunayan ng hanay ng pulisya na maganda ang peace and order sa bansa.